ஈரான் தாக்குதல்களைத் தொடர்ந்து குவைத் வான்வெளி தற்காலிகமாக மூடல்! மத்திய கிழக்கில் அதிகரிக்கும் பதற்றம்

ஈரானின் தொடர்ச்சியான தாக்குதல்களைத் தொடர்ந்து குவைத் தனது வான்வெளியை தற்காலிகமாக மூடியுள்ளதாக வெளிநாட்டு ஊடகங்கள் செய்தி வெளியிட்டுள்ளன. இந்த நடவடிக்கை 11.06.2026 அன்று மேற்கொள்ளப்பட்டதாக தெரிவிக்கப்படுகிறது.

வான்வெளி மூடப்பட்டதால் குவைத்துக்கு வரவிருந்த பல விமானங்கள் அருகிலுள்ள பிற விமான நிலையங்களுக்கு மாற்றி அனுப்பப்பட்டுள்ளதாகவும் விமானப் போக்குவரத்து அதிகாரிகள் தெரிவித்துள்ளனர். பாதுகாப்பு காரணங்களைக் கருத்தில் கொண்டு இந்த நடவடிக்கை எடுக்கப்பட்டதாக கூறப்படுகிறது.

இதற்கிடையில், குவைத் மற்றும் பஹ்ரைனில் உள்ள அமெரிக்க விமானப்படைத் தளங்களை குறிவைத்து ஈரான் தாக்குதல் நடத்தியதாக ஈரானின் புரட்சிகர காவல்படை அறிவித்துள்ளது. இதனால் மத்திய கிழக்கு பிராந்தியத்தில் பதற்றம் மேலும் தீவிரமடைந்துள்ளது.

நிலைமையை தொடர்ந்து கண்காணித்து வருவதாக குவைத் விமானப் போக்குவரத்து தலைமை இயக்குநரகம் தெரிவித்துள்ளது. பாதுகாப்பு சூழ்நிலை சீரடைந்ததும் வான்வெளி மீண்டும் திறக்கப்படும் எனவும் அதிகாரிகள் உறுதிப்படுத்தியுள்ளனர்.

ஏற்கனவே ஈரான்–அமெரிக்கா இடையிலான மோதல் தீவிரமடைந்து வரும் நிலையில், இந்த புதிய தாக்குதல்கள் பிராந்திய விமானப் போக்குவரத்து மற்றும் சர்வதேச பயணங்களிலும் தாக்கத்தை ஏற்படுத்தக்கூடும் என அச்சம் எழுந்துள்ளது.