மசகு எண்ணெய் மற்றும் இயற்கை எரிவாயு விலை உயர்வு

உலகளாவிய எரிசக்தி சந்தையில் மசகு எண்ணெய் மற்றும் இயற்கை எரிவாயுவின் விலை உயர்வு பதிவு செய்யப்பட்டுள்ளது.

மத்திய கிழக்கு பிராந்தியத்தில் நிலவி வரும் தீவிர போர் பதற்றங்களை அடுத்து இந்த நிலைமை ஏற்பட்டுள்ளதாக தெரிவிக்கப்படுகிறது.

இன்றைய தினமான 2026 மார்ச் 5 ஆம் திகதி நிலவரப்படி, டபிள்யூடிஐ ரக மசகு எண்ணெய் பீப்பாய் ஒன்றின் விலை 77.86 அமெரிக்க டொலராக அதிகரித்துள்ளது.

அதேவேளை சர்வதேச அளவில் அதிகம் பயன்படுத்தப்படும் பிரெண்ட் ரக மசகு எண்ணெய் பீப்பாய் ஒன்றின் விலை 84.59 அமெரிக்க டொலராக காணப்படுகிறது.

இதே நேரத்தில் இயற்கை எரிவாயுவின் விலையிலும் மாற்றம் ஏற்பட்டுள்ளது. அதன் விலை 3.003 அமெரிக்க டொலராக உயர்ந்துள்ளதாக சந்தை தகவல்கள் தெரிவிக்கின்றன.

மத்திய கிழக்கில் நிலவி வரும் போர் பதற்றம் காரணமாக உலக எரிசக்தி சந்தையில் விலை நிலைமைகள் தொடர்ந்து மாற்றமடைந்து வருவதாக பொருளாதார நிபுணர்கள் குறிப்பிடுகின்றனர்.