பொலிஸாரைத் தகாத வார்த்தைகளால் திட்டித் தீர்க்கும் கஸ்ஸப தேரர்

அனுராதபுரம் ருவன்வெலி மகா சேயவுக்கு அருகில் சாகும் வரையிலான உண்ணாவிரதப் போராட்டத்தில் ஈடுபட்டிருந்தபோது கைது செய்யப்பட்ட பாலங்கொட கஸ்ஸப தேரர், பொலிஸாரைத் தகாத வார்த்தைகளால் திட்டும் காணொளியொன்று வெளியாகியுள்ளது.

காணொளியில், மருத்துவமனைப் படுக்கையில் இருக்கும் தேரரைச் சுற்றி மருத்துவப் பணியாளர்களும் பொலிஸாரும் காணப்படுகின்றனர்.

புனித அனுராதபுரம் நகரில் போராட்டத்தில் ஈடுபட்ட பாலங்கொட கஸ்ஸப தேரர் உள்ளிட்ட ஏழு பேர், நீதிமன்ற உத்தரவுகளை மீறியதாகக் கூறப்படும் குற்றச்சாட்டின் அடிப்படையில் எதிர்வரும் நவம்பர் 26ஆம் திகதி வரை விளக்கமறியலில் வைக்கப்பட்டுள்ளனர்.

விளக்கமறியலில் வைக்கப்பட்டுள்ள பாலங்கொடை கஸ்ஸப தேரர் உள்ளிட்ட நால்வருக்கும் மருத்துவப் பரிசோதனைகளை மேற்கொள்ளுமாறு அனுராதபுரம் நீதவான் நீதிமன்றம் உத்தரவிட்டுள்ளது.