நெல்லிக்காய் அளவு கூட பாசமில்லையா? - செல்போன் தகராறில் வயது மகளைக் குத்திக் கொன்ற தந்தை!

இலங்கையின் உரகஸ்மங்ஹந்திய, தெல்கடை பிரதேசத்தில் நேற்று (30) இரவு ஒரு சிறிய தொலைபேசி விவகாரம் கொலையில் முடிந்துள்ளது. தனது மகளுடனான தர்க்கம் முற்றிய நிலையில், தந்தை ஒருவரால் முன்னெடுக்கப்பட்ட கத்திக்குத்துத் தாக்குதலில் 14 வயது சிறுமி பரிதாபமாக உயிரிழந்துள்ளார்.

பொலிஸார் நடத்திய முதற்கட்ட விசாரணையின்படி, நேற்று இரவு தந்தைக்கும் மகளுக்கும் இடையே செல்போன் பயன்படுத்துவது தொடர்பாக வாக்குவாதம் ஏற்பட்டுள்ளது. ஆத்திரமடைந்த தந்தை, வீட்டில் இருந்த கூர்மையான ஆயுதத்தை (கத்தி) எடுத்து மகளைத் தாக்கியுள்ளார்.

தாக்குதலில் பலத்த காயமடைந்த சிறுமி, உடனடியாக மீட்கப்பட்டு எல்பிட்டிய வைத்தியசாலையில் அனுமதிக்கப்பட்டார். இருப்பினும், சிகிச்சை பலனின்றி அந்தச் சிறுமி உயிரிழந்ததாக வைத்தியசாலைத் தரப்பு உறுதிப்படுத்தியுள்ளது.

சம்பவம் தொடர்பாக உடனடியாகச் செயல்பட்ட உரகஸ்மங்ஹந்திய பொலிஸார், சந்தேகநபரான தந்தையைக் கைது செய்துள்ளனர். உயிரிழந்த சிறுமியின் சடலம் தற்போது எல்பிட்டிய வைத்தியசாலையின் பிணவறையில் வைக்கப்பட்டுள்ளது.

ஒரு சாதாரண செல்போன் தகராறு, ஒரு பிஞ்சு உயிரைப் பறிக்கும் அளவுக்குச் சென்றுள்ளது அப்பகுதி மக்களிடையே பெரும் அதிர்ச்சியையும் சோகத்தையும் ஏற்படுத்தியுள்ளது.