இரவோடு இரவாக நாட்டுக்கு திரும்பினார் ஷிராந்தி ராஜபக்ஷ

சிங்கப்பூர் சென்றிருந்த முன்னாள் முதற்பெண்மணி ஷிராந்தி ராஜபக்ஷ, நாடு திரும்பியுள்ளார்.

அவர் இன்றிரவு கட்டுநாயக்க சர்வதேச விமான நிலையத்தை வந்தடைந்துள்ளார்.

மருத்துவ சிகிச்சைகளுக்காக ஷிராந்தி ராஜபக்ஷ அண்மையில் சிங்கப்பூருக்கு சென்றிருந்தார்.

இதனிடையே தாம் கைது செய்யப்படுவதை தடுக்கும் உத்தரவைப் பிறப்பிக்குமாறு கோரி முன்பிணை மனுவொன்றை நீதிமன்றில் தாக்கல் செய்துள்ளார்.

தனது சட்டத்தரணிகள் ஊடாக மாளிகாகந்த நீதவான் நீதிமன்றத்தில் அவர் இந்த முன் பிணை மனுவை தாக்கல் செய்துள்ளதாக தெரிவிக்கப்பட்டுள்ளது.

"சிரிலிய சவிய" கணக்கு தொடர்பான விசாரணை ஒன்றிலேயே தாம் கைது செய்யப்படுவதைத் தடுக்கும் உத்தரவைப் பிறப்பிக்குமாறு கோரியே, இந்த மனுவை அவர் தாக்கல் செய்துள்ளமை குறிப்பிடத்தக்கது.