பட்டதாரிகளுக்கு வெளியான மகிழ்ச்சி தகவல் ; உடனடியாக சேவையில் இணைத்துக்கொள்ள நடவடிக்கை

ஆசிரியர் சேவைப் பிரமாணக் குறிப்பில் மேற்கொள்ள உத்தேசிக்கப்பட்டுள்ள திருத்தங்கள் பூர்த்தி செய்யப்பட்ட பின்னர், கல்வியியல் இளமானி (B.Ed.) பட்டதாரிகளை உடனடியாக இலங்கை ஆசிரியர் சேவையில் இணைத்துக்கொள்வதற்கான நடவடிக்கைகள் எடுக்கப்படும் என பிரதமரும் கல்வி அமைச்சருமான ஹரிணி அமரசூரிய தெரிவித்துள்ளார்.

கல்வியியல் இளமானி பட்டதாரிகளைப் பணிக்கு அமர்த்துவதில் நிலவும் சிக்கல்களுக்குத் தீர்வு காணும் வகையில் முன்மொழியப்பட்டுள்ள திருத்தங்கள் தொடர்பாக, ஆசிரியர் மற்றும் அதிபர் தொழிற்சங்கப் பிரதிநிதிகளுடன் இடம்பெற்ற கலந்துரையாடலின் போதே பிரதமர் இதனைத் தெரிவித்தார்.

அரச சேவை ஆணைக்குழுவால் வெளியிடப்பட்ட வழிகாட்டல்கள் மற்றும் உயர் நீதிமன்றத்தின் தொடர்புடைய தீர்ப்புகளைக் கருத்தில் கொண்டே இந்த முன்மொழியப்பட்ட திருத்தங்கள் தயாரிக்கப்படவுள்ளன.

இந்தச் சந்திப்பின் போது, முன்மொழியப்பட்ட மாற்றங்கள் மற்றும் அவற்றை நடைமுறைப்படுத்தும் முறைகள் குறித்து ஆசிரியர் மற்றும் அதிபர் தொழிற்சங்கப் பிரதிநிதிகளுடன் விரிவாகக் கலந்தாலோசிக்கப்பட்டது.