ஜனநாயகன் பட வில்லன் பாபி தியோல் சொத்து மதிப்பு எவ்வளவு தெரியுமா? இதோ முழு விவரம்

தளபதி விஜய்யின் ஜனநாயகன் திரைப்படத்தில் வில்லனாக நடித்துள்ளவர் நடிகர் பாபி தியோல். கடந்த 2023ஆம் ஆண்டு வெளியான அனிமல் படத்தில் வில்லன் கதாபாத்திரத்தில் நடித்ததன் மூலம் பான் இந்திய அளவில் கவனம் பெற்ற நடிகராக பாபி தியோல் மாறினார்.

இதனைத் தொடர்ந்து தமிழில் என்ட்ரி கொடுத்த அவர், நடிகர் சூர்யாவுடன் இணைந்து கங்குவா திரைப்படத்தில் நடித்திருந்தார். இருப்பினும், அந்த படம் எதிர்பார்த்த அளவிற்கு வெற்றிபெறவில்லை என்பது குறிப்பிடத்தக்கது.

இன்று நடிகர் பாபி தியோல் தனது 56வது பிறந்தநாளை கொண்டாடி வருகிறார். இதனை முன்னிட்டு ரசிகர்கள் சமூக வலைதளங்களில் அவருக்கு வாழ்த்துகளை தெரிவித்து வருகின்றனர். இந்த நிலையில், பாபி தியோலின் சொத்து மதிப்பு குறித்த தகவல்கள் வெளியாகியுள்ளது.

தகவல்களின் படி, நடிகர் பாபி தியோலின் மொத்த சொத்து மதிப்பு சுமார் ரூ. 70 கோடி இருக்கும் என கூறப்படுகிறது. மேலும், தளபதி விஜய்யின் ஜனநாயகன் திரைப்படத்தில் நடிப்பதற்காக அவர் ரூ. 3 கோடி சம்பளமாக பெற்றுள்ளதாகவும் தெரிவிக்கப்படுகிறது.